--Ads--
Itogon, Benguet – Kinompirmar ni Loacan Punong Barangay Franklin Almoza a pimmusay ti 85-year-old a babae iti napasamak nga uram sadiay Sitio Gold River, Loacan, Itogon, Benguet idi February 18, 2026.
Nabigbig ti biktima a ni Josie “Anti Go” Suminsin Benigno, residente metlaeng iti nasao a lugar.
Maipalagip a napasamak ti nasao nga uram iti maysa a residential house, 6:00 PM idi Mierkoles.
Dagus a nagresponde ti Bureau of Fire Protection (BFP)–Itogon babaen iti koordinasyon ti Philippine National Police, Itogon MDRRMC, Alphaland Fire Brigade, Rudy Salipan Water Delivery ken dagiti maseknan a residente.
Iti agdama, agtultuloy paylaeng ti imbestigasion ti BFP – Itogon tapno maamuan ti rason iti napasamak nga uram.//mp4
