--Ads--
BAGUIO CITY- Malamlamayan ita ti bangkay ti maysa nga ubing kalpasan a nalmes iti Adonot River sadiay Sitio Adonot Ambuklao, Bokod Benguet idi kalman ti agsapa, Hunyo 14.
Nabigbig daytoy a ni Jefferson Belino Victor, 7-anyos, Grade 1 pupil ken resident ti Bokod.
Maibasar iti imbestigasyon, ag-op-operate iti backhoe ti ama ti biktima isut gapuna a saanna a napuotan ti panagturong ti anakna iti karayan.
Kalpasan ti tallo pulo a minutos, sinapul ti ama ti anakna ngem nakitana laeng a malmalmes iti karayan.
Naiturong ti biktima iti Dennis Molintas District Hospital sadiay Daclan, Bokod, Benguet ngem naideklara a dead on arrival.
