Imbinglay ni Berlin Lopez, ti drayber iti napasamak nga aksidente sadiay Sitio Bontiway, Poblacion, Tuba, Benguet a nagtaud dagitoy sadiay La Trinidad, Benguet a nagpasyar.
Iti panakiuman ti Bombo Radyo kenni Lopez, kinunana nga adda ti nagdagusan dagitoy iti siudad idi rabiin ti Marso a otso ken nagrubwat dagitoy a pagawid idi alas kuwatro ti parbangon ita nga aldaw.
Naballaagan met dagitoy nga agin-innayad bayat ti panagawidda sadiay Pampanga ken bayat ti panagdalyasatda ket naggatangda pay iti nateng.
Nopay kasta, idi madanonda ti nakapasamakan ti nasao nga insidente, impadasna ti agpreno ken aghand brake ngem saan nga agbalin.
Gapu iti dayta, id nakitana ti bato ken imbanggana ti lugan tapno mas maliklikkan ti panagtinnag dagitoy iti baba.
Sigun kenni Lopez, ti lugan nga inaramat dagitoy ket saan a ti kiniddawda a Toyota Grandia gapu ta ti impaayda ket ti nissan van rason nga ibagbaga ni Lopez a no ti grandia ti naipaay kadakuada ket mabalin a naliklikkan ti nasao nga insidente.
