Impanamnama ni President Ferdinand Marcos, Jr. a saan laeng nga ayuda ti ipapaay ita ti gobyerno para kadagiti biktima ti gingined a napasamak idiay Mindanao nu di ket pati metlaeng ti mental health support para kadagiti estudyante a naapektaran iti gingined a napasamak iti sumagmamano a rehiyon idiay Mindanao pakairamanan ti Sarangani ken General Santos City.
Impetteng ni President Marcos. Jr. ti kinapateg ti panangasikaso iti emosyonal ken sikolohikal nga epekto ti kalamidad nangnagruna kadagiti ubbing.
Innayonna nga adda dagiti programa ti Department of Health (DOH) tapno matulongan dagitoy a mabaelanda a makabangon manipud iti emosyonal nga epekto ti napasamak
Guyguyugoyen met ni President Marcos, Jr. dagiti pagadalan nga obserbaranda a nalaing dagiti estudyante a mabalin a mangipakpakita kadagiti senyales ti emotional distress. //bombokaren.c.sapirao
