--Ads--
BAGUIO CITY – Sinuspindir ti Benguet Electric Cooperative (BENECO) ti panagbasada iti metro kadagiti babbarangay iti Baguio ken Benguet a naipasidong iti lockdown gapu iti COVID-19.
Sigun kenni BENECO Institutional Services Division head, Atty. Delmar Cariño, maipatungpal daytoy tapnu masalwadan ti salun-at dagiti empleyadoda a mangipatpatungpal ti aktuwal a monthly reading.
Nupay kasya, kinunana a dagus metlaeng nga agturong iti nai-lockdown a barangay dagiti meter readers ti kooperatiba para iti aktuwal a panagbasa iti metro apaman a mawaswas ti lockdown iti nasao a barangay.
Innayonna a nupay manayonan ti bayadan dagiti naipasidong iti lockdown kas maibasar iti metro dagitoy, linawlawaganna a bassit laeng ti mainayun a masingir.
