Naobserbaran ti minor eruption iti main crater ti Taal Volcano pasado alas siete idi laeng rabii.
Sigun iti Philippine Institute of Volcanology and Seismology (Phivolcs), dumanon iti 900 a metro ti plume ti bulkan a nag-drift iti abagatan a laud.
Iti 24-hour monitoring nga impablaak iti nasao nga opisina idi kalman, nangiruar ti nasao a bulkan iti 165 tons iti sulfur dioxide idi Huwebes ken naobserbaran metlaeng ti short-term inflation.
Iti agdama ket agtaltalinaed iti Alert Level 1 ti Bulkang Taal a mangipasimudaag iti low-level unrest daytoy.
Nupay kasta, agbalbalakad latta ti Phivolcs nangruna kadagiti residente sadiay seknan kadagiti pangta a maipaay daytoy kas iti volcanic earthquakes, minor ashfall, gas-driven explosions ken daduma pay a mainaig iti daytoy.
