--Ads--
Impakaamo ti Office for National Statistics (ONS) ti United Kingdom a Muhammad ti kaaduan a nagan ti ubing a lalaki idiay England ken Wales idi napalabas a tawen nu sadinno, daytoy ti umuna a gundaway a nag-top iti ranggo ti nasao a nagan.
Dumanon iti 4,661 a lallaki ti agnagan ti Muhammad iti dua a nasion idi napalabas a lawas, sigun iti nasao nga opisina.
Olivia met ti agtaltalinaed a nalatak a nagan para kadagiti ubing a babbai, simmaruno ti Amelia ken Isla.
Saan a dinakamat ti nasao nga opisina nu apay a Muhammad ti nalatak a nagan idiay England ken Wales.
Nupay kasta, posible a daytoy ket gapu iti panangngato ti bilang ti Muslim community.
