Impasigurado ni President Ferdinand Marcos Jr. a mausar ti Mutual Defense treaty (MDT) iti nagbaetan ti Estadus Unidus ti America ken ti pagilian, apaman nga adda ti mapapatay a Filipino serviceman gapu iti kinaagresibo ti pagilian a China iti West Philippine Sea (WPS).
Sigun kenni President Marcos Jr., inlawlawag ni Lloyd Austin ti secretary of state ti Estadus Unidos idiay America a mausar ti nasao a Mutual Defense treaty, no adda ti pimmusay a filipino serviceman iti panagraut ti uray sino a foreign power, uray pay no ti maritime militia ken daduma pay ti makapatay iti tropa dagiti Pilipino basta nagrisulta iti panakadangran.
Maipalagip a ti Mutual Defense Treaty iti nagbaetan ti pagilian a Pilipinas ken Estados Unidos ti Amerika (MDT) ket napirmaan idi Agosto 30, 1951 nga addaan ti panggep a mangsuporta iti tunggal maysa, apaman nga adda ti panagraut dagiti dadduma a partidu iti Pilipinas wenno Estados Unidos.
Kabayatanna, kumarkaro ti tension iti West Philippine Sea gapu iti namin-adu a linapdan ti Chinese Coast Guard dagiti barko ti Philippine Coast Guard a mangisayangkat iti resupply mission iti BRP Sierra Madre, sadiay Ayungin Shoal.
