Idagdagadag ti Second Congressional Commission on Education (EDCOM 2) iti Department of Education (DepEd) a naan-anay nga ipatungpalda ti revised rules ti Anti-Bullying Act.
Sigun iti komision, adu latta nga estudiante ti makaspasar iti bullying gapu iti saan a naan-anay a pannakaipatungpalda ti nasao a linteg.
Innnayonna a ti revised implementing rules and regulations (IRR) ti Republic Act 10627 ket pinirmaan ti DepEd idi Agusto 2025, kalpasan ti dua a tawen a konsultatasion iti Second Congressional Commission on Education (EDCOM 2).
Nupay kasta, saan paylaeng a naan-anay a naadaptar kadagiti pagadalan.
Ti napabaro a pagannurotan ket napalawa ti depinasion ti bullying no sadino, nairaman kas bullying ti maulit-ulit a pammutbuteng, cyberbullying, social exclusion, precursor behaviors ken dadduma pay.
Sigun pay iti komision, agarup makatawen kalpasan a nagbalin nga epektibo ti revised IRR ngem adu paylaeng a pagadalan ti saan pay a nangituding kadagiti learner formation officers wenno nangipatungpal kadagiti napabaro nga anti-bullying policies.
