Dumanonen iti 1.4 million nga indibidual ti naapektara iti bagyo a Crising, habagat ken Low Pressure Area iti intero a Pilipinas.
Sigun iti National Disaster Risk Reduction and Management Council (NDRRMC), Central Luzon ti kaadduan ti bilang a naapektaran no sadino dumanon daytoy iti 616,611, sarunuen ti Negros Island Region nga addaan iti 166,335 ken Ilocos Region nga addaan iti 157,730.
Gapu iti dayta, 77,108 nga indibidual wenno 21,207 pamilya ti agtaltalinaed kadagiti evacuation centers bayat a 64,597 nga indibidual wenno 13,724 a pamilya ti nagakar iti dadduma a lugar.
Malaksid iti dayta, naideklara metlaeng iti state of calamity dagiti sumagmamano a lugar kas ti Umingan, Pangasinan, Cavite province, Roxas, Palawan, Sebaste ken Barbaza sadiay Antique, Malabon City, Quezon City ken dadduma pay a lugar sadiay Metro Manila.
