Impakaammo ti Department of Social Welfare and Development (DSWD) a mapattapatta a 1.7 Million a pamilia wenno nasurok 6 million a tattao ti naapektaran iti bagyo a Tino ken Super Typhoon Uwan.
Daytoy ket maibasar iti kaudian a datos ti nasao nga ahensia.
Mainaig iti dayta, agtultuloy ti panangipaay ti tulong ti DSWD kadagiti lugar a naapektaran kadagiti dua a bagyo.
Sigun iti nasao nga ahensia, dumanon iti agarup ₱317 Million ti gatad dagiti tulong a naipaay dagitoy kadagiti lokal a gobierno.
Naipaay metlaeng ti ₱752,000 a tulong pinansial kadagiti pamilia a naapektaran iti bagyo.
Karaman kadagiti naipatulod ti DSWD ti 494,416 a family food pack; 17,380 a ready-to-eat food packs ken 15,000 a non-food items a pakairamanan ti hygiene kits ken sleeping kits.
