Nairaman iti 2025 General Appropriations Act ti P92.8 milion a flood control project idiay Pandi, Bulacan, a ti nagbalin a proponent ket ni sigud a Senador Ramon Bong Revilla Jr., sigun iti testigo iti Sandiganbayan.
Iti panagdengngeg iti petision para iti piansa, kinuna ni Engr. Peter Cortez iti DPWH a naiserrek ti proyekto iti listaan dagiti panagbalbaliw wenno “errata” idi Setiembre 2024 babaen iti pammilin ni daydi DPWH Undersecretary Cathy Cabral.
Sigun kenni Cortez, ni Cabral laeng ti nangipaay iti direktiba ken ti verbal a pammilin ket naikabil ti nagan ni Revilla kas proponent iti proyekto iti database.
Inlawlawagna metlaeng a mapatpatgan ti panangisumitir iti errata sakbay ti pinal a panagaprobar iti Kamara iti singasing a budget.
Ti nasao a dokumento ket pinirmaan ni Cabral ken sigud a DPWH Secretary Manuel Bonoan, ken kamaudiananna ket inaprobran iti Kongreso agingga a mairaman iti linteg iti 2025 national budget.
Maipalagip a ni Cabral ket nasarakan a pimmusay iti probinsia ti Benguet idi Disiembre 2025 bayat nga im-imbestigaran ti mapapati nga anomalya iti flood control projects iti gobierno.
