BAGUIO CITY – Napapanawen dagiti nagannak ken estudyante a nakalinya para iti enrollment ti Senior High school iti Baguio City National High School ita nga aldaw.
Sigun kenni Whitney Dawayen, principal ti Baguio City National High School, napunnon ti slot nu sadino saanen a kabaelan ti pagadalan nga iakomodar dagitoy.
Kinunana pay nga adda ti dua pulo ket dua a public secondary school iti siudad a mabalin a pag-enrollan dagiti estudyante.
Iti agdama, sumagmamano laengen a nagannak ken estudyante ti nabatbati pay a nakalinya iti ruar ti nasao a pagadalan a mangnamanma pay a maka-enroll.
Maipalagip nga ita nga aldaw, Hulyo 11 ti naituding nga eskedyul ti enrollment dagiti estudyante para iti Senior High school ngem limitado laeng ti slot nga impaay ti nasao a pagadalan iti baet nga adu a nagannak ken estudyante ti nasapa a nagpila.
