BAGUIO CITY – Inlawlawag ni Frankie Cortez, Chief Operations iti Office of Civil Defense – Cordillera a ti naipatungpal a cloud seeding idi Enero agingga Abril ket tapno matulongan dagiti Air Force ken lokal a gobyerno iti panagsebsebda kadagiti napasaran a forest fire iti nagduduma a paset ti rehiyon Cordillera.
Kinunana pay a dual ti purpose daytoy gapu ta nakatulong iti daduma a paset ti rehiyon partikular ti probinsiya ti Benguet para iti panakaipangato ti lebel ti danum kadagiti river systems ken nasibogan dagiti mula.
Sigun pay kenkuana, nasurok sangagasut ti nairekordda a forest fire iti rehiyon iti umuna a kwater iti agdama a tawen.
Iti agdama, awan ti forest fire nga iwanwanawan dagitoy ngem agpokusda iti panakasolusyon ti minilmilyon a panakadadael ti kabambantayan iti panakabukel ti Regional Disaster Response Plan for fire hazards para iti organisado ken sistematiko a panakaresponde dagitoy.//Bombo Marinel Rodrigo
