BAGUIO CITY – Dumanon iti pito pulo ket tallo a kaso ti leptospirosis ti nairekord ti Department of Health – Cordillera manipud Enero agingga Agosto iti agdama a tawen.
Maibasar iti datus dagitoy, dua iti Abra; dua pulo ket pito iti Apayao; sangapulo ket dua iti Baguio City; sangapulo ket uppat iti Benguet; lima iti Ifugao; siyam iti Kalinga, ken uppat iti Mt. Province.
Sigun paylaeng kenni Geeny Anne Austria, Communications Management and Health Promotion Unit Head iti Department of Health – Cordillera, uppat a probinsiya ti nangireport iti kaso kalpasan ti bagyo, dua a lawas ti napalabas.
Maysa iti Abra, lima iti Apayao, dua iti Baguio City, ken tallo iti Benguet nu sadino pakabulan a sangapulo ket maysa ti kaso iti nasao a period.
Inlawlawag ni Austria nga iti leptospirosis ket kasapulan ti maysa a pasyente nga agdialysis para iti severe stages daytoy.
Nupay kasta, 40% decrease wenno nababa ti nairekord iti agdama a tawen nu idilig iti 122 a kaso ti leptospirosis idi napan a tawen.
Nagpalagip daytoy a kasapulan ti self-protection kas iti bota nangruna nu talon ti pagtrabahoan ken nasaysayaat nga agpakonsulta iti doktor.
Dagiti sintomas iti leptospirosis ket fever, panagsakit ti ulo, muscle pain, yellow skin, marigatan nga agisbo, hemorrhage ken daduma pay.
