Kinanselar ni Vice President Sara Duterte ti naituding a panagturongna sadiay Japan.
Daytoy ket kasaruno ti pannangiwaragawag ti Malacañang ti travel authority daytoy.
Sigun iti bise presidente, pagdandanaganna ti seguridad-na kalpasan nga inwaragawag ti Malacañang ti panagbiyahe daytoy.
Immunan a kinumpirmar ti Office of the President a nangipaulog iti travel authority idi Agosto 17, para iti personal a panagbiahe ti Bise Presidente sadiay Japan a naikeddeng manipud Agosto 19 agingga 24.
Nupay kasta, kiniddaw ti Office of the Vice President iti Malacañang idi Agosto 18 mga ikanselarda ti travel authority kalpasan a nagbaliw ti plano ti Bise Presidente.
Saanen a nangipaay ti Bise Presidente iti aniaman a rason iti pannakakanselar ti biahe daytoy.
