BAGUIO CITY – Nangipila ti National Bureau of Investigation iti kaso a murder iti Department of Justice kontra kadagiti opisyal ti pulisya iti rehiyon Cordillera ken Abra mainaig iti napasamak a shooting incident a nangitunda iti ipupusay ti maysa a bodyguard ni Pilar Vice Mayor Jaja Josefina Somera Disono.
Maibasar iti report, inrekomendar ti NBI ti prosekyusyon ni Police Brig. Gen. Ronald Lee, police regional director ti PROCOR, ken ni Police Colonel Maly Cula, acting police provincial director ti Abra.
Malaksid iti dayta, karaman kadagiti napilaan iti kaso da Police Lt. Col. Melencio Mina, chief ti provincial intelligence unit ken provincial drug enforcement unit; Police Capt. Ronaldo Eslabra, chief ti Pilar police; Comelec Officer 2 Rodrigo Base; kem myembro ti Pilar police ken regional mobile force battalion.
Kabayatanna, sumango pay ti kaso a Perjury ken Incriminating an Innocent Person da PLT Boyd Leeson Dom-Oguen Kis-Ing, PCPL Allan Dale Sabiano, PAT Pietro Delmar Aveño, PCPL Joedel Jove, and PAT Frenzel Paus Alperez
Sigun ken Atty. Joseph Martinez ti NBI-National Capital Region, mapapati nga adda iti “unity of acts” a napasamak iti insidente
Kinunana a maibasar iti ebidensya a nakalap dagitoy, naimuntar ti PNP Comelec Checkpoint nga isut pinadas nga intarayan ti lugan da Vice Mayor Disono
Nupay kasta, kinunana a sabali iti rumrumwar iti panagtingiting dagitoy
Maibasar iti inmunan a report, nakipinnaltog dagiti guwardia ni Disono kadagiti pulis kasaruno iti saanda a panangikankano iti Comelec checkpoint a naimuntar
Iti baet ti dayta, rumrumwar iti panagtingiting ti NBI nga awan iti napasamak a shootout.
Mainaig iti dayta, mamati ti kampo ni Disono a nagbibinnadang dagiti opisyal ti Cordillera PNP ken Abra kontra kadakuada
Malaksid iti dayta, tarigagayda ita a rumwar iti kinapudno iti napasamak ken maipaayan iti hustisya iti ipupusay ti body guard daytoy a pimmusay
Naituding met nga isubmitir paylaeng ti pulisay ti resulta ti paraffin test dagiti pulis iti NBI ken ballistic test kadagiti naisuko a paltog
Inmunan iti dayta, nangipila ti Philippine National Police iti reklamo kontra ken Disono, ken ti Mayor ti Pilar a ni Maro Somera pakairamanan dagiti personnelda
Da Somera ken Disono ket sumangsango iti kaso a panaglabsing iti Anti-Trafficking in Persons Act of 2003, serious disobedience to an agent of a person in authority met ti naipila kontra kadagiti personnel ti Pilar LGU a da Robert Boreta Toreno, Emmanuel Nicanor Valera, ken ti househelper ni Disono a ni Jericho Toreno Bufil malaksid iti kaso daytoy nga attempted murder.
