Nainget a kinondenar ni Senador Erwin Tulfo ti naratibo dagiti sumagmamano a Chinese scholars a mangibagbaga a paset ti teritorio ti China ti Batanes.
“Noon, inaangkin nila ang West Philippine Sea, ngayon pati Batanes teritoryo na rin nila? Ano na ang susunod—Palawan, Zambales, Cagayan?” statement ni Sen. Tulfo iti maysa a symposium idi Hunyo 30 kalpasan a kinuna dagiti Chinese scholars a ti Batanes ket “natural geographical extension” ti Taiwan.
Impaganetget ti senador ti timing ti panangtagikua ti China ket naigiddan iti maika-10 nga anibersario ti historic 2016 Arbitral Ruling a pabor iti Pilipinas.
Kagiddan daytoy, impeksa ni Tulfo ti kiddawna a maisubmitir ti Senate Bill 1625, wenno ti West Philippine Sea Education Act.
Panggep daytoy nga inayon iti basic education ti pannakaisuro ti maipapan iti soberanya ti pagilian ken tapno malabanan ti disinformation.
“Kailangan nating kumilos nang mabilis… Sa Basic Education pa lang, dapat ay malaman na ng mga Pilipino ang mga aral tungkol sa soberanya ng Pilipinas,” sigun iti senador.
Iti sidong ti Senate Bill 1625, mandato ti Department of Education a mangisayangkat iti panagsanay para kadagiti mannursuro ken mangaramid kadagiti age-appropriate learning materials a naibasar iti mabigbigbig a linteg ken pangngeddeng ti Korte Suprema.
