Impaganetget ti Armed Forces of the Philippines a saan laeng nga ‘isolated academic opinion’ ti naratibo a kukua ti China ti Batanes.
Iti interview ti Bombo Radyo kenni Rear Admiral Roy Vincent Trinidad ti AFP Special Spokesperson for the West Philippine Sea, impaganetgetna a ti nasao a naratibo ket konektado iti “communist party” dagiti sumagmamano a gangganaet iti pagilian.
Sigun kenkuana, dagitoy nga statement wenno naratibo ti China ket saan a baro ken adda ti panggep a kas iti panangtagikuda iti West Philippine Sea.
Gapu iti dayta, kiniddawna kadagiti Pilipino a makikaykaysa a mangkontra iti palso a salaysay mainaig iti teritorio ti pagilian.
Patien ti opisial a ti rimsua a salaysay ket umuna laeng nga addang ti China para iti sumaruno a planoda iti pagilian a rumbeng a maaksionan.
