Balligi a nagleppas ti Bilateral Maritime Cooperative Activity (MCA) ti Armed Forces of the Philippines (AFP) ken United States Indo-Pacific Command (USINDOPACOM) a naisayangkat idiay West Philippine Sea manipud Hunyo 14 agingga Hunyo 19.
Daytoyen ti maikapat a maritime exercies nga insayangkat ti dua a pagilian iti pagilian a Pilipinas ita a tawen.
Iti las-od ti innem nga aldaw, nangipatulod ti pagilian a Pilipinas kadagiti barko ti Philippine Navy ken Philippine Coast Gurad kas iti BRP Diego Silang, BRP Melchora Aquino, ken BRP Sindangan, kadua ti FA-50 fighter aircraft ken dagiti Sokol helicopter.
Nangideploy met ti Estados Unidos kadagiti barko kas iti USCGC Charles Moulthrope ken USCGC Emlem Tunnel, maysa a P-8A Poseidon maritime patrol aircraft ken suldado manipud iti 3rd Marine Littoral Regiment.
Karaman kadagit inaramid dagitoy a drills ken ti Search and Rescue (SAR),Visit, Board, Search, and Seizure (VBSS) wenno panaginspek kadagiti barko, Communication Exercises (COMMEX), Division Tactics, ken Joint Fires Rehearsal.
Sigun iti AFP, ti balligi nga aktibidad ket mangipakpakita iti agtultuloy a komitment ti dua a pagilian a patibkeren ti kooperasyon iti seguridad ken panangpatalinaed ti unrnos iit rehiyon ti Indo-Pacific. //bombokaren.c.sapirao
