Impaganetget ni Armed Forces of the Philippines chief General Romeo Brawner a panawenen a maipasidung dagiti suldado iti panagsanay aramat dagiti moderno a missile systems.
Daytoy ket kalpasana iti inpatungpal ti Estados Unidos ken Japanese a drill iti pagilian aramat ti missile systems.
Sigun kenni Brawner, panggep ti Armed Forces of the Philippines a maparegta pay ti kabaelan dagiti suldado iti panagaramat kadagiti moderno nga armas tapno mapapigsa ti depensa ti pagilian nangnangruna iti panangsalwad kadagiti isla ti pagilian.
Innayon pay daytoy a passet ti nasao a panagensayo iti modernisasyon ti AFP ken panagsagana para iti ‘self-reliant defense’.
Inwaragawag daytoy ni AFP Chief kalpasan iti pammaballaw a naawat dagitoy seknan iti panagpaputok ti Estados Unidos ken Japan missiles iti sidung ti Balikatan exercise aramat ti Typhon Mid-Range system ken Type 88 surface-to-ship.
Inlawlawag ni Brawner a saan laeng a ti pannaki-alyansa ti pokus ti Armed Forces of the Philippines nu di ket nangnangruna ti aktwal nga ensayo iti panagaramat kadagiti moderno a sistema kas paset iti long-term defense strategy ti pagilian. //bombokaren.c.s
