Kinuwestyunar iti sumagmamano a senador ti pakainaigan dagiti video clip da sigud a President Rodrigo Duterte, ti pimmusay a da Chief Justice Renato Corona ken sigud a Senador Miriam Defensor-Santiago nga impakita iti depensa ni Vice President Sara Duterte iti impeachment trial.
Sigun kada Senador Erwin Tulfo ken Panfilo Lacson, saan a nalawag ti pakainaigan dagiti video iti agdama a panagtingiting.
Kinuwestyunar metlaeng ni House prosecutor Chel Diokno ti video ni Corona gapu iti kinaawan iti pakainaiganna kadagiti alegasion kontra kenni Duterte.
Kabayatanna, impetteng ni Senador Risa Hontiveros ti panagdanagna gaputa saanen a mabalin a makuwestyunar dagiti kinuna da Corona ken Defensor-Santiago nga agpada a pimmusay, bayat nga awan met iti Pilipinas ni sigud a President Rodrigo Duterte.
Impaganetget met iti depensa a napateg a maipakita dagiti video gaputa adda iti politikal nga aspeto ti impeachment proceedings.











