Inwaragawag ti United Nations (UN) a nasurok 1.5 a million nga Afghan kadagiti dadduma a pagilian ti napilitan nga agsubli sadiay Afghanistan ita a tawen.
Daytoy ket kalpasan a napapanawda sadiay Iran ken Pakistan, uppat a tawen kalpasan a sinakup manen dagiti Taliban ti Kabul.
Sigun iti International Organization for Migration (IOM), 700,000 kadagitoy ti taga-Iran.
Adu ti napilitan a nagtalaw gapu iti nainget a kampania ti gobierno dagiti pagilian a nagturunganda kontra kadagiti Afghan, agraman dagiti alegasion nga espia dagitoy.
Malaksid iti dayta, mapattapatta a 2 million kadagiti 6 a million nga Afghan idiay Iran ti awanan iti dokumento isu’t gapuna nga imbilin ti dagiti otoridad sadiay Iran nga agsublida iti pagilian a nagtaudanda.
Kabayatanna, napapartak ti pannakaideport dagiti Afghan refugees sadiay Pakistan kalpasan a saanen a mapabaro dagiti Proof of Registration card dagitoy.
