![](https://img.bomboradyo.com/baguio/2024/07/JW-REGIONAL-CONVENTIONS.jpg)
BAGUIO CITY – Mapattap-patta a dumanon iti nasurok sangapulo a ribu nga indibidual manipud iti nagduduma a lugar ti dumar-ay iti agsasaruno a sagta-tallo nga aldaw a regional convention dagiti jehovahs’ witnesses iti siyudad ti baguio ken probinsiya ti Benguet a manamnama a mangpasaranta iti turismo.
Sigun kenni Ryan Torio regional events support ti nasao nga aktibidad, ti nasao nga convention ket mangrugi a maipatungpal ita nga aldaw agingga iti domingo iti Baguio Convention and Cultural Center.
Ti nasao a kombension ket addaan iti tema nga ”Ipakaammo ti Naimbag a Damag!” a mangitampok kadagiti makaliwliwa a naibasar Biblia namnama para iti asinoman nangruna ta adu dagiti agsagsgaba iti parikut iti mental kas iti panagladingit wenno depresyon gapu kadagiti dakes a damdamag ken paspasamak gapu kadagiti didigra, kalamidad wenno kinarigat iti panagbiag.
Innayonna a ti nasao kombensiyon ket maipatpatungpal iti nasurok innem a pulo a lugar iti intero a lubong a mabalin a makita iti JW.org.
Manipud iti nasao a bilang, sangagasut walopulo ket innem ditoy ket maipatpatungpal iti Pilipinas.
Lima met ditoy ket maipatungpal iti siyudad ti baguio ken iti la trinidad, Benguet iti lenguahe nga iloko, tagalog ken kankanaey, a maangay iti lima nga agsasaruno a ngudo ti lawas mangirugi ita nga aldaw aginga iti umay a bulan ti agusto.
Impaganetget pay ni Torio nga silulukat ti nasao nga aktibidad iti publiko ken awan ti mabayadan wenno makolektar a kuarta iti daytoy.//Bombo Alfred Pudsoc