BAGUIO CITY- Nasurok iti 200 a kadete ti Philippine Military Academy ti manamnama nga agturpos inton umay a bulan.
Iti panakiuman ti Bombo Radyo Baguio, kinuna ni PMA Spokesperson 1LT Christine Mae Calima nga intun Mayo 15 ti tentative date ti graduation ceremony.
Dinakamatna a maiparang dagiti TOP 10 graduating class inton Mayo 9, aldaw ti eleksion babaen ti maangay nga Kapihan sa PMA.
![](https://img.bomboradyo.com/baguio/2021/05/PMA-MASALIGAN-Class-of-2021.jpg)
Nupay kasta, awan pay ti waragawag ti akademya nu anya ti pamay-anda iti nasao a seremonya ngem posible a dagiti laeng kapamilya dagiti kadete ti dumar-ay.
Iti agdama, nagsubli metten ti face to face learning ken panagsanay dagiti kadete iti uneg ti akademya.
Maipalagip nga idi napan a tawen, nagbalin a pribado ti panakaipatungpal ti graduation ti Masaligan Class of 2021.