Nagaburan ti nasurok tallo gasut nga indibdiual ken nasurok 1,100 a babbalay iti nalawa a panagreggaay ti daga iti nasulinek a lugar idiay Papua New Guinea.
Gapu iti daytoy, pagamkan dagiti otoridad ken residente sadiay a pimmusay ti ginasgasut nga indibidual.
Kabayatanna, nagaburan metlaeng ti nasurok tallo gasut nga indibidual ken 1,182 a babbalay idiay Pacific nation iti amianan ti Australia gapu metlaeng iti panagregaay ti daga, sigun iti maysa nga opisial a ni Aimos Akem.
Awan pay ti komento ti opisial iti nasao a pakaseknan agingga iti agdama.
Immunan nga impakamo ti Australian Broadcasting Corporation a narekober ti uppat a bangkay manipod iti nasao a lugar ken manamnama pay a ngumato ti bilang.
Ti panagreggaay ti daga ket rason iti saan nga iseserrek dagiti lugan ken pannakalapped ti dalan.
Iti maysa a ladawan a nagwaras iti social media, makita dagiti tattao a kumalkalay-at kadagiti batbato, maimatangan pay dagiti nagkaiwara a kayo ken nabunton a daga gapu iti panagregaay.
Manggeg pay iti maysa a video footage ti panagsangit dagiti babbai.
Iti agdama, manarimaan ti panagtitinnulong dagiti maseknan nga opisial sadiay babaen iti panangidaulo ni Prime Minister James Marape ken ti Force and the Department of Works and Highways.
