--Ads--
Impakaammo ti Philippine Statistics Authority (PSA) a bimmaba ti national fertility rate iti pagilian.
Maibasar iti 2025 National Demographic and Health Survey a nairuar idi March 30, bimmaba iti 1.7 ti total fertility rate manipud iti 1.9 idi 2022.
Iti nasao a datos, nakairekord ti Calabarzon iti kadakkelan a panagbaba ti fertility rates no sadino, bimmaba ti 1.3 manipud iti 1.8.
Sinnaruno ti National Capital Region ken Negros Island Region iti 1.4 ti tunggal maysa.
Iti sabali a bangir, ti Bangsamoro Autonomous Region in Muslim Mindanao ti nakailista paylaeng ti kangatuan a fertility rates a dumanon iti 2.4.
Daytoy ket iti baet a bimmaba manipud iti 3.1 idi 2022.
