Awan ti nailista a nauram a balay ken nadangran nga indibidual iti naglabas a pannakauram ti kabambantayan idiay Itogon, Benguet itay laeng nabiit.
Sigun iti dadaulo ti Municipal Disaster Risk Reduction Management Office-Itogon a ni Cyril Batcagan, daytoy ket gapu iti panagregget dagiti residente sadiay kasta met ti tulong ti Bureau of Fire Protection pakairamanan ti opisina ti Municipal Disaster Risk Reduction Management.
Karaman pay kadagiti tumultulong ket ti kameng ti Philippine Airforce nu sadinno dagitoy ti kangrunaan a mangsebseb kadagiti nauram a bantay a saan a madanon dagiti volunteers ken kameng ti Bureau of Fire Protection.
Imbinglay ti nasao nga opisial a nalawa ti paset ti bantay a nauram idi napalabas nangruna idiay Barangay Tinungdan, Dalupirip ken paset ti Ampucao.
Saan paylaeng a nalawag nu anya ti rason ti pannakauram ti bantay ngem agtultuloy latta ti panagimbestigar dagiti dadaulo ti pulisya ken Bureau of Fire Protection.///BenjoGuzman
