Impakaammo ti Philippine National Police (PNP) nga awan ti nairekord a “major incident” iti pakabuklan nga 13 oras a prosisyon ti imahe ni Hesus Nazareno iti Biyernes Santo, Abril 3 a nangrugi 11:30 rabii idi Huwebes Santo, Abril 2.
Iti statement ti nasao nga opisina, impakaammoda a naballigi a naobserbar ti seguridad ti prosisyon a pinasetan ti agarup kumurang half-million a deboto.
Sigun iti Philippine National Police, pakabuklan nga 3,169 a PNP personnel ti naideploy para iti nasao a prosisyon.
Pinagyamanan met ni Philippine National Police Chief PGeneral Jose Melencio Nartatez, Jr. dagiti amin a police officers ken iti publiko gapu iti kooperasyon dagitoy a nagresulta iti naannayas ken ‘incident-free’ nga panangobserbar iti Biyernes Santo idiay Quiapo.
Nailista lang dagitoy ti 397 minor incidents ngem amin dagitoy ket balligi a nasrespondean dagiti kapulisan. //bombokaren.c.s
