Inwaragawag ni NBI Director Melvin Matibag a nangipatungpal iti imbestigasyon ti opisinana iti maatap nga anomalya iti infrastructure project idi 2019 Southeast Asian (SEA) Games pakairamanan ti sports complex idiay New Clark City, Tarlac.
Sigun kenni Matibag, nakaawat ti opisinana iti impormasyon maipapan iti binilbilyon a pesos ti government funds a saan a naliquidate a nasayaat.
Innayonna nga imbestigaranda ti mapapati a 10 billion pesos a naawat ti private contractor babaen iti congressional insertions uray saan a dimmalan iti public bidding process.
Awan met ti dinakdakamat ni Matibag a nagan ti opisyal a mapapati nga adda pakainaiganna iti maatap nga anomalya.
Nupay kasta, nagreact dagiti dadduma a senator pakairaman da Senator Robinhood Padilla, Alan Peter Cayetano ken Pia Cayetano bayat ti maikalima nga aldaw ti impeachment trial ni Vice President Sara Duterte.
Maipalagip nga idi 2019 ket nagserbi kas chairman ni Senator Alan Peter Cayetano iti Philippine Southeast Asian Games Organizing Committee (PHISGOC).
