Naduktalan iti National Bureau of Investigation a posible a dua a daras a nabayadan ti cauldron iti New Clark City, Tarlac a naaramat idi 2019 Southeast Asian Games.
Sigun kenni NBI Director Melvin Matibag, adda ti dua a testigo a nangipaay iti testimonia ken kadagiti ebidensia iti imbestigasion.
Mapatta-patta a P30 milion laeng ti rumbeng a gatad iti proyekto, ngem naideklara nga aggatad daytoy iti P55 milion.
Kinuna ni Matiba nga adda ti nakita nga indikasyon iti double payment iti maysa a dokumento, ngem kasapulan paylaeng a maberipikar ken i-cross-check kadagiti immuna a nakalap a records.
Inlawlawag met iti NBI a nakapokus ti imbestigasion kadagiti pasilidad nga imbangon iti Philippine Southeast Asian Games Organizing Committee, a nakaawat iti pondo manipod iti Philippine Olympic Committee, Philippine Sports Commission ken Philippine Amusement and Gaming Corporation.
