Impakaammo ni Senator Bato Dela Rosa a hinarang daytoy ti sumagmamano a tao ti National Bureau of Investigastion (NBI) kabayatan ti iseserekna iti senado idi kalman.
Gapu iti daytoy, inbilin ti senado nga i cite-in contempt da dagiti nasao a personnel ti NBI ken ipasidungda ida iti kustodiya ti senado.
Sigun iti baro a senate president a ni Sen. Alan Peter Cayetano, binilinna ti dadaulo ti NBI nga ihold dagiti personnel a karaman iti napasamak a panangharang kenni Senator Bato Dela Rosa ken namnamaenna ti pammalawag manipud iti nasao nga ahensya inton bigat.
Kabayatanna, nadangran metlaeng ti maysa a security ti senado kalpasan a maatap a binugbog ken dinangran ti sumagmamano a personnel ti National Bureau of Investigation kabayatan iti panangharangna kadakuada nga umuneg iti senado.
Naipan met daytoy iti klinika ti senado nu sadino personal pay a binisita daytoy ni Senator Imee Marcos.
Innayon ni Senate President Cayetano a sabali manen daytoy a tungtongan malaksid iti immunan a kaso. //bombokaren.c.s
