BAGUIO CITY- Saanen a maikalikagum ti negatibo a resulta ti RT-PCR test kadagiti indibidual a smangbay iti siudad ti Baguio.
iti panakaiuman ti bombo radyo baguio, inwaragawag ni Mayor Benjamin Magalong a daytoy ket tapno saanen a madagsenan pay dagiti indibidual a sumang-at ditoy siudad.
Inlawlawagna a dagiti turista ket nasken laeng nga agrehistro iti visita.baguio.gov.ph bayat a dagiti returning Baguio residents ken returning workers ket nasken laeng nga agrehistro iti hdf.baguio.gov.ph.
Maipalagip a sigun iti uniform travel protocols nga impaulog ti IATF, saanen a kasapulan ti travel authority ken medical certificate kadagiti agbiahe.
Nupay kasta, inyunay-unay ni Mayor Magalong a kasapulan latta a sumurot ti publiko kadagiti paglintegan kontra iti COVID-19 kas iti panagsuot iti facemask ken faceshield ken panagtungpal iti physical distancing nangruna ta addan ditoy siudad ti UK variant ti COVID-19.
