BAGUIO CITY – Inwaragawag ni Baguio City Mayor Benjamin Magalong a nabigbigen ti agtagikua iti sugalan a pinasabogan ti minero babaen ti improvised explosive device sadiay Magsaysay, Baguio city idi April 13.
Iti agdama, saan paylaeng a naipaay iti media ti pakabuklan a pakabigbigan daytoy.
Sigun iti Baguio City Police Office Station 2, awan ti kaskenan a permit ti nasao a sugalan.
Manarimaan metten ti beripikasyon ken imbestigasyon no addaan iti building permit ti pasdek wenno shanty.
Sigun kenni Mayor Magalong, naipaserra itan ti nasao a pasugalan.
Mainaig iti dayta, tallo paylaeng kadagiti biktima ti agtaltalinaed iti ospital kalpasan a naipasidong dagitoy iti operasyon.
Sumangsango ti suspek iti kaso nga 8 counts ti frustrated murder, 2 counts ti malicious mischief ken maysa a counts ti Republic Act No. 11313 wenno Bawal Bastos Law.//Bombo Noveh Organo
