Kinablaawan ni Israeli Prime Minister Benjamin Netanyahu ni US President Donald Trump gapu iti “bold decision” daytoy nga immatake kadagiti tallo a nuclear sites ti Iran.
Congratulations President Trump, your bold decision to target Iran’s nuclear facilities with the awesome and righteous might of the United States will CHANGE HISTORY
Israeli Prime Minister Benjamin Netanyahu
Sigun kenni Netanyahu, ti inaramid ni Trump ket mangbaliw iti pakasaritaan ti sangalubongan ken impettengna nga awan ti sabali a pagilian wenno dadaulo ti makaaramid iti naaramid ni US President Trump.
Kinunana pay a babaen iti nasao a banag ket mangipasimudaag a ti Amerika ket saan a maartapan ti siasinuman wenno anyaman a pagilian.
Kabayatanna, nagyaman ni Netanyahu kenni Trump ken namnamaenna nga agtultuloy ti nasayaat nga alyansa ti dua a pagilian.
