Inlawlawag ti defense lawyer ni sigud a president Rodrigo Duterte a ni Atty, Nicholas Kaufman a ti termino a “neutralization” ket panang-aresto ken saan a pammapatay sigun iti police operations ti war on drugs campaign.
Kalpasan daytoy iti inpresentar ti prosecution ti dokumento a naawagan kas “PRRD list” nu sadino nakasurat dagiti high value targets pakairamanan da sigud nga Albuera Mayor Rolando Espinosa, Sr. ken Raul Yap kas “neutralized” wenno napapatay.
Inkalintegan ni Kaufman nga ti mismo a testigo ti prosekyusyon ti nangdakamat a ti kayatna a sawen ti neutralization iti police operation ket panang-arestar ken saan a panangpapatay.
Inlawlawag ni Kaufman a ti naeutralization ket maysa a legal a panang-arestar ken saan nga otomatiko a panangpatay iti maysa a suspek.
Impetteng pay ni Kaufman a saan paylaeng a nangiparuar ti Korte Suprema ti Pilipinas a mangidekdeklara iti drug war kas manglabsing iti linteg. //BomboKCS
