Kinemmeg ti BCPO PS7 ti maysa a newly identified drug personality idiay Purok 2, Padre Zamora, Baguio city itay nabiit.
Ti suspek ket maysa a kuarenta anyos a lalaki, single, Sales agent, ken residente ti Ambiong, La Trinidad, Benguet
Nakemmeg manipod iti suspek ti maysa a heat sealed transparent plastic sachet a naglaon ti white crystalline substance a maatap a shabu nga agdagsen ti 3.45 grams ken aggatad ti P23,460
Malaksid iti daytoy, nakumpiska met laeng manipod kenkuana dagiti non-drug evidences pakairamanan ti maysa a pidaso ti genuine P1000 bill, siyam a pidaso ti P1000 boodle money, ken maysa nga android cellphone.
Naangay met ti markings ken inventory kadagiti nakumpiska nga ebidensya iti lugar a nakakemmegan ti suspek iti sangwanan daytoy, ken ti presensya dagiti barangay officials iti lugar, kameng ti pulisya ken dadduma pay a witness.
Ti suspek ket agdama nga adda iti kustodiya ti pulisya para iti dokumentasyon sakbay a maipaima iti korte.
