--Ads--
BAGUIO CITY – Nakemmeg ti maysa a newly-identified drug personality iti drug buy-bust operation a naisayangkat sadiay Zone 3, Bangued, Abra idi rabii kalman.
Nabigbig daytoy a ni Erick Milan Catalla Festejo alyas Emil, 35-anyos ken residente ti Zone 2, Bangued, Abra.
Nakumpiskar kenkuana ti tallo a pakete ti shabu, kwarta ken cellphone.
Nupay kasta, nainget a pinaglibakan ni Festejo a kukuana ti nakumpiskar nga iligal a droga ken pinaglibakanna pay nga agar-aramat ken agilaklako daytoy iti iligal a droga.
Sumangsango ita ni Festejo iti kaso a panaglabsing iti RA 9165 wenno Comprehensive Dangerous Drugs Act of 2002.
