La Trinidad, Benguet- Panggep ti National Irrigation Administration a mangipatakder iti solar powered water irrigation pump sadiay Benguet State University Strawberry Farm.
Iti panakiuman iti Bombo Radyo kenni Engr. Leonardo Lamangen, Acting Division Manager, Engineering and Operations iti National Irrigation Administration Cordillera, kinunana a naaprobaranen ti proposal dagitoy iti pannakaipatakder ti solar-powered irrigation pump iti nasao a lugar.
Kinuna pay ni Lamangen a nailatang ti 15 million budget para iti nasao a proyekto ngem agbirbiruk paylaeng dagitoy iti espasyo para iti pannakaipatakder daytoy.
Panggep ti nasao a proyekto a matulungan dagiti mannalon sadiay ken tapnu maipaayan iti umdas a suplay ti danum dagiti talon iti BSU strawberry farm.
Maipalagip nga idi napalabas a tawen ket siguden nga adda kuma ti proyekto nga irrigation system idiay strawberry farm ngem saan daytoy a naitultuloy nu saddino adda kuma ti nailatang a pondo a 25 million.//Bombo Genzel Depayso
