--Ads--
Impetteng ni Acting PNP Chief PLtGen. Jose Melencio Nartatez Jr. nga agtultuloy nga ipatpatungpal ti Philippine National Police ti no permit, no rally’ policy para kadagiti maisaysayangkat a kilos protesta.
Impaganetgetna a nasken nga addaan dagiti organizers dagiti kilos protesta iti nagduduma a paset ti Metro Manila iti bukodda a permit sakbay dagitoy a mangipatungpal iti panagprotesta.
Kasaruno dayta, nagballaag daytoy kadagiti raliyista iti EDSA People Power Monument ken iti EDSA Shrine a saan daytoy a freedom park rason a nainget a maipawpawil ti panagaramat iti nasao a lugar.
Kinunana pay a rumbeng nga ammo dagiti raliyista dagiti nagduduma a patarakan sakbay dagitoy a mangipatungpal iti protesta.
