![](https://img.bomboradyo.com/baguio/2020/12/109261480_589605078586797_5852819068101044534_n.jpg)
BAGUIO CITY – Naaprobaran iti maikadua a panagbasa ti singasing a panakaipatungpal ti “No Plate, No Travel” policy kadagiti lugan ditoy Baguio City.
Kasaruno daytoy ti obserbasyon a panagado dagiti agdaldalyasat a lugan kadagiti kalsada nga awanan ti plaka.
Nailanad iti singasing nga amin a lugan nga awanan ti plate number ket saan a mapalubosan a dumalyasat kadagiti kalsada ditoy siudad.
Nasken a mangipakita iti temporary Operator’s Permit wenno Traffic Citation Ticket dagiti matiliwan a motorista nga aglabsing iti linteg trapiko.
Kasapulan met a mangiparangda iti Conduction Stickers wenno Temporary Plate Number ken Travel Authority manipud iti La Transportation Office no awan ti plaka dagitoy.
Immunan nga inaprubaran ti lokal a konseho ti 300 a pesos a multa kadagiti awanan ti plaka kalpasan a naduktalan nga ado dagiti saan a nasaksaka a plaka gapu iti P500 a multa a nasken a mabayadan.