Ammo yu kadi ka-Bombo a ti Nueva Vizcaya ket nabigbig kas Ginger Capital of the Philippines?
Daytoy kalpasan a naideklara kas maibasar iti Administrative Order No. 8, series of 2025 babaen kenni Agriculture Secretary Francisco Tiu Laurel.
Sigun kenni Department of Agriculture Regional Excutive Director Rose Mary Aquino, ti panakabigbig ti Nueva Vizcaya ket mangipakpakita a ti nasao a lugar ti top ginger producer iti pagilian, saan laeng a kadagiti local markets no diket kasta met kadagiti kangrunaan a merkado iti Luzon kas iti Metro Manila.
Babaen iti panakabigbig dagitoy ket mas maguyguyugoy dagiti mannalon iti nasao a probinsya a nayunanda pay ti plantasyon dagitoy ket pasayaatenda ti kaledad ti mula dagitoy.
Maibasar iti report ti Department of Agriculture idi napalabas a tawen, dumanon iti 7, 140.76 metric tons ti output dagitoy.
