--Ads--
BAGUIO CITY – Natiliw ti maysa a High-Value Individual (HVI) drug personality iti joint buy-bust operation nga insayangkat dagiti pulis ken PDEA sadiay Diamond Subdivision, San Luis, Baguio City idi kanikadua.
Nabigbig daytoy a ni Reina Salvador Buenaventura, 28-anyos, online seller, tubo ti Nueva Ecija ken residente ti Diamond Alley, San Luis, Baguio City.
Nakumpiskar kenkuana ti maysa a pakete a naglaon ti maatap a shabu nga agdagsen ti mapattapatta a 35 grams.
Nakumpiskar pay iti ikotna ti maysa manen a pakete ti maatap a shabu nga agdagsen ti 0.5 gram bayat a narekober iti ikotna ti naaramat a buy-bust money.
Iti agdama, sumangsangon ni Buenaventura iti kaso a panaglabsing iti RA 9165 wenno ti Comprehensive Dangerous Drugs Act of 2002.
