--Ads--
BAGUIO CITY – Maituloy manen ti operasyon ti night market ditoy siudad ti Baguio mangrugi inton rabii, Pebrero 24.
Maibasar iti paka-ammo manipud iti lokal a gobyerno ti siudad, ti panaglako ket mangrugi iti alas otso ti rabii agingga iti alas onse trenta ti rabii.
Dumanon met iti 352 a pwesto a buklen ti 304 a para iti dry goods ken 48 para iti taraon ti maipalubos nga aglukat iti rinabii.
Malimitaran pay ti entry ken exit points ti night market ken maipatungpal ti naing-inget a health and safety protocols nangruna ta adda paylaeng ti Baguio iti sidong ti General Community Quarantine.
