--Ads--
BAGUIO CITY – Pinirmaan ti Armed Forces of the Philippines ken ti Police Regional Office Cordillera (PROCOR) ti OPLAN KAPANATAGAN Cordillera-Ilocos Alpha sadiay Camp Bado Dangwa, La Trinidad, Benguet.
Sigun kenni PROCOR Regional Director PBGen. Israel Ephraim Dickson, panggep ti nasao a programa a mapatibker ti pwersada tapno mapaksiat ken malapdan ti insurhensia ditoy rehion.
Kinunana a babaen iti panagtinnulong ti militar ken pulisya ket pumigsa ti pwersada kontra kadagiti makakanigid a grupo.
Maipalagip nga ar-aramaten dagiti rebelede a grupo ti brainwash scheme tapno makaguyuguyda kadagiti indibidwal nangruna dagiti agtutubo a makikappeng kadagitoy. (-with Bombo Nikki Agsiweng)
