--Ads--
BAGUIO CITY – Nakemmeg ti maysa nga optical helper kalpasan a naiserbi ti warrant of arrest kontra kenkuana sadiay Km. 5, Pico, La Trinidad, Benguet idi kalman.
Nabigbig daytoy a ni Arnold ‘Toto’ Navida Inton, 40-anyos, naasawaan, tubo ti San Carlos, Pangasinan ken residente ti Km. 3, Balili, La Trinidad, Benguet.
Inserbi ti nagtipon a pwersa ti Trinidad Municipal Police Station – Drug Enforcement Unit ken dadduma pay a law enforcement agencies.
Nakumpiskar manipud kenni Inton ti tallo a pakete ti mapapati a shabu, sangaribo a pisos ken ti cellphone a naaramat iti transaksion.
Sumangsango ita ti nakemmeg nga indibidual iti kaso a panaglabsing iti RA 9165 wenno ti Comprehensive Dangerous Drugs Act of 2002.
