Mabalballaagan dagiti Overseas Filipino workers (OFWs) idiay Singapore kontra kadagiti illegal recruitment schemes a mangikari iti trabaho iti dadduma a pagilian kas kasukat ti dakdakkel a sweldo.
Sigun iti Migrant Workers Office (MWO) idiay Singapore, nakaawat dagitoy iti reports mainaig iti “third-country recruitment” para iti mapapati nga employment idiay Canada, Poland, Germany, ken Malta.
Dagiti target dagiti recruiters iti daytoy ket dagiti Overseas Filipino Workers (OFWs), partikular dagiti household service workers babaen iti panagpostda iti online.
Gapu iti daytoy, inyunay-unay dagiti otoridad a nasken a masukimat a nalaing dagiti recruiter tapno maliklikan ti anyaman a kita ti scam.
Nagballaag pay dagitoy a makitransact laeng dagitoy kadagiti recruitment agencies nga addaan iti valid job orders nga inaprobaran ti Department of Migrant Workers (DMW) iti pagilian a Pilipinas.
Mabalin met nga iberipikar dagiti maidiaydiaya a trabaho babaen iti Department of Migrant Workers (DMW) official website.
