--Ads--
BAGUIO CITY – Pinarut ken inuram dagiti anti-illegal drug operatives ti Benguet ti nasurok P1.7-M a gatad dagiti marijuana iti dua nga aldaw nga eradication operations kadagiti kabambantayan ti Kibungan ken Bakun, Benguet.
Nadiskubre dagiti operatiba ti lima a plantation sites sadiay Palina ken maysa a plantation site sadiay Tacadang, Kibungan a nangdadaelanda kadagiti marijuana nga aggatad ti P960-K.
Nasarakanda pay sadiay Tacadang ti 50 a pidaso ti napagango a puron ti marijuana nga agdagsen iti innem a kilo ken aggatad ti P750-K.
Inuramda metlaeng ti 150 a pirado ti marijuana nga aggatad ti P58-K iti maysa a plantation site sadiay Kayapa, Bakun.
Naisayangkat ti operasyon a paset ti Oplan Bushwacker ti Benguet Provincial Police Office.
