Agipektibo ti P1 a kanayunan a plete kadagiti traditional Jeepneys intun March 19, 2026.
Sigun kenni LTFRB chairman Vigor Mendoza, ngumato iti P14 ti minimum fare manipud iti P13; bayat a dumanon met iti P2 ti panagngato ti plete kadagiti modern jeepneys.
Malaksid iti dayta, inaprobaran metlaeng ti LTFRB ti P40 increase iti flag-down rate bayat a P20 increase ken P15 pick-up fare per kilometer para iti Transport Network Vehicle Services (TNVS).
Sigun pay kenni Mendoza, dumanon iti P2 ti panagngato ti minimum fare iti Metro Manila ken city ordinary buses; P3 increase met iti aircon buses iti Metro Manila ken city operations.
Malaksid iti dayta, ngumato met iti P1 ti umuna a lima a kilometro ken 30 centavos para iti tunggal sumaruno a kilometro dagiti ordinario a bus nga addaan iti provincial operations.
Inlawlawag ni Mendoza a maad-adal paylaeng ti apelada dagiti ordinary taxis ken UV Express.
Inaprobaran ti Land Transportation Franchising Regulatory Board (LTFRB) ti pannakaingato ti plete ti lugan a pangpasahero gapu iti tension sadiay Middle East a mangpakpakaro iti panagngato ti presyo ti petrolyo.
