Agkidkiddaw ita dagiti pamilya dagiti biktima iti panagcollapse ti maysa a building idiay Angeles, Pampanga ti hustisya.
Agarup maysa dosena pay nga indibidual ti missing ngem mapapatin a pimmusay iti nasao nga insidente.
Sigun kadagiti otoridad, manipud search and rescue , nagbalinen a retrieval ti ti operasyon dagitoy nangrugi idi kalman.
Daytoy ket kalpasan iti dua nga aldaw a panangbirbirukda kadagiti posible a nakasurvive iti panagcollapse ti nasao a buiding.
Mapattapatra a dumanon iti 16 nga indibidual ti posible a pimmusat iti insidente.
Sigun kadagiti pamilya dagiti biktima, kasapulan a sangwen daytoy ti engineer ken makinkukua ti building nga addaan 9 a kadsaaran.
Kabayatanna, impakaammo ni Jay Pelayo, City Information Officer ti Angeles a nakikoordinaren ti site engineer kadagiti otoridad tapno mangipaay iti listaan dagiti mangmangged nga adda iti nasao a pasdek idi napasamak ti nasao nga insidente.
Iti agdama, saan paylaeng a nagparparang ti makinkukua ken kontraktor ti nasao a building tapno agpallawag. //bombokaren.c.sapirao
